Օրացույց

Հեղինակի որոնում

Ա | Բ | Գ | Դ | Ե | Զ | Է | Ը | Թ | Ժ | Ի | Լ | Խ | Ծ | Կ | Հ | Ձ | Ղ | Ճ | Մ | Յ | Ն | Շ | Ո | Չ | Պ | Ջ | Ռ | Ս | Վ | Տ | Ր | Ց | ՈՒ | Փ | Ք | Օ | Ֆ

Նորություններ

Ոսանողական գիտական ընկերության պարբերականի էջերում տեղ են գտել 225 հոդվածներ, որոնք ընտրվել են գիտական ամենամյա նստաշրջանում հնչած գրեթե 400 զեկուցումներից: Բոլոր հոդվածներն անցել են գրախոսության փուլը, իսկ հետո արդեն երաշխավորվել տպագրության: Ի դեպ, տպագրված հոդվածները հասանելի են նաև ԵՊՀ կայքում:

 

ԵՊՀ ՈՒԳԸ նախագահ Վանատուր Շերենցը, շնորհավորելով հոդվածագիրներին, ասաց, որ կառույցի գործունեության արդյունավետության հիմնական ցուցիչը գիտական նստաշրջանների կազմակերպման և դրան հաջորդող հոդվածների տպագրման գործընթացի որակյալ ապահովումն է:

 

«Մենք տարեցտարի արձանագրում ենք զեկուցող և հոդվածագիր ուսանողների և ասպիրանտների ներգրավվածության քանակական աճ, ինչը մի շարք կարևոր հանգամանքների մասին է վկայում: Առաջին հերթին, իհարկե, այն ցույց է տալիս, որ ՈՒԳԸ-ն մեծ վստահություն է վայելում, և այն, որ նրանց համար ԲՈԿ-ի կողմից հաստատված մեր ամսագիրը կարևոր հարթակ է գիտական աշխատանքները ներկայացնելու համար»,- ասաց Վ. Շերենցը:

 

Վանատուր Շերենցը խոսեց նաև բացթողումների մասին, որոնցից առանձնացրեց նաև  այն, որ դեռևս չի հաջողվում սեղմ ժամկետներում իրականացնել հոդվածների տպագրությունը. «Իհարկե, այդ բացողումը կապված է մի շարք պատճառների հետ, բայց մենք աշխատանքներ ենք իրականացնում այդ խնդրին արդյունավետ լուծում տալու համար: Վստահ եմ, որ ապագայում մենք կգերազանցենք մեր այսօրվա սահմանած նշաձողը և էլ ավելի կկատարելագործենք մեր աշխատանքը»:

 

ԵՊՀ ուսանողների, շրջանավարտների և հասարակայնության հետ կապերի գծով պրոռեկտոր Ռուբեն Մարկոսյանը նույնպես շնորհավորեց բոլոր հոդվածագիրներին և ասաց, որ ժողովածուն ԲՈԿ-ում գրանցված է որպես պարբերական ամսագիր, ինչը նշանակում է, որ այստեղ տպագրված հոդվածները ճանաչելի են թեկնածուական ատենախոսության պաշտպանությունների համար:

 

«Ի դեպ, այն էլեկտրոնային ներկայացվածությունը, որն ունի մեր ժողովածուն, գրեթե ոչ մի այլ գիտական պարբերական չունի: Իսկ ինչ վերաբերում է տպագրության ժամկետներին, ուզում եմ ձեզ համար պարզաբանել ուշացման պատճառներից մեկը:  Մենք մեր առջև խնդիր ենք դնում ոչ թե միանգամից մերժել հոդվածագիրներին, այլև սկսում ենք աշխատել նրանց հետ, ամեն կերպ ջանում, որ հոդվածը մշակվի և համապատասխանի մեր կողմից սահմանված չափորոշիչներին: Աշխատանքներն ավելի են երկարում հատկապես, երբ հոդվածագիրներն այլ բուհերից են լինում, իսկ մենք ամեն ինչ անում ենք նրանց օգնելու համար»,- պարզաբանեց պրոռեկտոր:

 

ԵՊՀ ՈՒԳԸ գիտական հոդվածների ժողովածուի (2016 թ.) շնորհանդեսի ավարտին միջոցառմանը ներկա բոլոր հոդվածագիրները ստացան իրենց օրինակները:

 

Քնար Միսակյան

Ամառային դպրոցը կազմակերպվել է Տեսական ֆիզիկայի և փորձարարական մասնիկային ֆիզիկայի ռեգիոնալ ասպիրանտական ծրագրի (RDP) շրջանակում «Volswagenstifung»-ի («Volkswagen» հիմնադրամ), «ICTP»-ի  (International Centre of Throretical Physics) և «ANSEF»-ի  (Armenian Natioanal Science & Education Fund) աջակցությամբ:

 

Ամառային դպրոցի առաջին 4 օրերը բաղկացած են լինելու դասախոսություններից և ուսանողների համար նախատեսված աշխատաժողովներից, այնուհետև՝ երկու օր անընդմեջ, տեղի են ունենալու աշխատաժողովներ և քննարկումներ, որոնց կմասնակցեն նաև հրավիրված հատուկ հյուրերը:

 

Դասախոսություններով հանդես են գալու Էլիաս Քրիսթսիսը (Կրետեի համալսարան), Հերբերտ Դրեյները  (Բոննի համալսարան), Դանիել Վոլդրամը (Լոնդոնի կայսերական քոլեջ) և Կարապետ Մկրտչյանը  (Պոստդամի Ալբերտ Էյնշտեյնի ինստիտուտ):

 

Կազմակերպիչների հավաստմամբ՝ ամառային դպրոցի հիմնական նպատակներից մեկը կազմակերպիչ կողմերի միջև համագործակցության ամրապնդումն ու հետագա ծրագրերի իրականացման համար հնարավորություններ ստեղծելն է:

Ընդհանուր հոգեբանության ամբիոնի վարիչ  Հրանտ Ավանեսյանը ելույթի իր խոսքում անդրադարձավ  հանդեսի ստեղծման նախապատմությանը, ինչպես նաև խոսեց վերջինիս շարունակական լինելու մասին:

 

«Գիտական հանդեսի նախապատմությունը սկզբնավորվել է դեռևս տասը տարի առաջ, երբ  մենք որոշեցինք  ԵՊՀ-ում  կազմակերպել  միջազգային գիտաժողով,- ասաց Հրանտ Ավանեսյանը,- այդ տարիներին մեզ մեր արտասահմանցի  գործընկերները թերահավատորեն էին վերաբերվում: Բայց գիտաժողովը կայացավ, ու դրա ամենավառ ապացույցն այն է, որ հովանավոր գտնելու շնորհիվ բացվեց նաև Կիրառական հոգեբանության կենտրոնը: 2009 թվականին  տեղի ունեցած գիտաժողովը մեծ թվով  մասնակիցներ ուներ, և որի նյութերը ժողովածուների տեսքով մենք տպագրում էինք:  Սկզբից մտածեցինք, որ այդ նյութերը պետք է թեզիսների տեսքով ներկայանան, բայց հետո որոշեցինք  թեզիսները թողնել էլեկտրոնային տարբերակով, իսկ ժողովածուները տարիների ընթացքում ավելացան և հրատարակեցինք «Արդի հոգեբանություն» գիտական հանդեսը»:

 

Խոսելով գիտական հանդեսի ստեղծման նպատակների մասին՝  Հրանտ Ավանեսյանը նշեց, որ այն պետք է լուծի երկու հիմնական խնդիր: Առաջինը պետք է ապահովի գիտական հոդվածների գիտականությունը: Հանդեսի խմբագրական խորհուրդը կարևորելու է նաև ճիշտ հղումներ տալու փաստը և բացառելու է գրագողությունը:

 

 

Հաջորդ կարևոր խնդիրը երիտասարդներին օգտակար լինելն է: «Հանդեսը ամենաառաջինն օգտակար է լինելու երիտասարդներին, ովքեր դեռևս գիտական ճանապարհ են անցնելու, օգնելու է գիտական աշխատանքները պատշաճ ներկայացնելու հարցում»,- իր խոսքում շեշտեց Հրանտ Ավանեսյանը:

 

Մի կարևոր հավելում ևս, որը հետագայում նույնպես կլինի հանդեսի ուշադրության կենտրոնում, այն է, որ այսուհետ հանդեսում տեղ են գտնելու նաև Հայաստանում բոլոր ոլորտներին մասին վերլուծական  հոդվածները:  Առաջին համարում արդեն իսկ անդրադարձ է եղել սպորտի հոգեբանությանը, մեդիային  և այլն:

 

Վերջում ներկաները շնորհավորեցին գիտական հանդեսի խորհրդի անդամներին և մաղթեցին հաջողություն հաջորդ հանդեսի ստեղծման և տպագրման գործում:

Հանդիպմանը ներկա էին նաև ԵՊՀ պրոռեկտորներ Ալեքսանդր Գրիգորյանը և Գեղամ Գևորգյանը, Միջազգային համագործակցության վարչության պետ Ալեքսանդր Մարգարովը և Արևելագիտության ֆակուլտետի դեկան Ռուբեն Մելքոնյանը:

 

ԵՊՀ ռեկտորը Չինաստանից ժամանած հյուրերին ներկայացրեց Մայր բուհի ուսումնագիտական գործունեությունը, միջազգային համագործակցությունը, ինչպես նաև բուհի զարգացման հիմնական ուղղություններն ու հեռանկարները. «Գիտական արտադրանքի ծավալով զիջելով միայն ՀՀ գիտությունների ազգային ակադեմիային՝ ԵՊՀ-ն տալիս է երկրի համախառն հետազոտական արդյունքի 1/3-ը, որն ավելին է, քան մյուս բոլոր բուհերինը միասին վերցրած»:

 

Արամ Սիմոնյանը չինացի գործընկերներին ասաց նաև, որ համալսարանի ուսանողների շրջանում չինարենը և չինական մշակույթը մեծ հետաքրքրություն են վայելում. «Մեր համալսարանի Միջազգային հարաբերությունների ֆակուլտետում գործում է Չինարենի և չինական մշակույթի կենտրոնը, որն իրականացնում է չինարենի դասընթացներ, որոնց ընթացքում կենտրոնի սաներն ուսումնասիրում են ոչ միայն չինարենը, այլև չինական մշակութային արժեքներն ու ավանդույթները»:

 

Այնուհետև ԵՊՀ ղեկավարությունը և Չինաստանի հասարակական գիտությունների ակադեմիայի պատվիրակության անդամները քննարկեցին ԵՊՀ-ում չինարենի և չինագիտության կենտրոն ստեղծելու հարցը և որոշեցին, որ ԵՊՀ արևելագիտության ֆակուլտետում կբացվի կենտրոն, որը գիտական ուղղվածություն կունենա:

 

Կենտրոնը, ըստ նախնական պայմանավորվածության, կբացվի աշնանը: Այն կունենա համահամալսարանական բնույթ, որտեղ կկարողանան գործունեություն իրականացնել տարբեր ֆակուլտետներից ուսանողներ:

 

Չինացի գործընկերները պատմեցին, որ տարբեր երկրներում արդեն բացվել են նմանօրինակ կենտրոններ, որոնց կայացման գործում իրենք մեծ ներդրում են ունեցել, և այժմ էլ կարող են իրենց փորձով և խորհուրդներով օգտակար լինել ԵՊՀ-ում կենտրոնի գործունեությունն արդյունավետ կազմակերպելու համար:

 

Երկու համալսարանների ներկայացուցիչները որոշեցին առավել մանրամասն քննարկել կենտրոնի գործունեության աշխատանքները և ներկայացնել դրա ստեղծման և կայացման ճանապարհային քարտեզը:

 

Քնար Միսակյան

Գիտաժողովը կազմակերպվել  է  երեք համալսարանների՝ Երևանի պետական, Հայաստանի ամերիկյան և Բեյրութի հայկազյան, ինչպես նաև «Հանուն ժողովրդավարության զարգացման» ՀԿ-ի, «Կոնրադ Ադենաուեր» հիմնադրամի, «Բուն TV» առցանց ալիքի, Խնկո Ապոր անվան մանկական գրադարանի հետ համագործակցությամբ և «Գալուստ Գյուլբեկյան» հիմնադրամի աջակցությամբ։

 

Գիտաժողովին հրավիրվել են ինչպես հայ, այնպես էլ արտասահմանցի մասնագետներ՝ նպատակ ունենալով ուսումնասիրելու նաև միջազգային փորձը:

 

ԵՊՀ  դոցենտ, Հումանիտար հետազոտությունների հայկական կենտրոնի հիմնադիր Աշոտ Ոսկանյանը գիտաժողովին բացման խոսքով ողջունեց ներկաներին՝ ուրախությամբ հայտելով, որ «Հայաստան 2018. իրողություններ և հեռանկարներ» խորագիրը կրող գիտաժողովում ելույթ ունեցողները մեծամասամբ հայեր են, քանի որ Հայաստանում տեղի ունեցած իրողությունները պետք է քննարկել այն մարդկանց հետ, ովքեր այդ ամենին ականատես են եղել:

 

«Վերջերս շատ էին անդրադառնում Հայաստանին,- ասաց Աշոտ Ոսկանյանը,- բայց կար մի  ներքին անհանգստություն, որ այն ինչ պաշտոնապես ներկայացվում էր, միշտ  չէր, որ արտացոլում էր այն, ինչ իրականում կար: Երկրում հիմնականում ծավալվում  էր երկու տեսակի դիսկուրս՝ ազգային և արևմտյան: Կարծես՝ իրականությունը հոսում էր մատների արանքից: Եվ մենք մտածեցինք՝ արդյոք հնարավոր է մի այնպիսի հանդիպում կազմակերպել, որը բացարձակապես գիտական մակարդակով կներկայացնի Հայաստանն այնպես, ինչպես այն կա»,- հավելեց Ա. Ոսկանյանը:

 

Ողջույնի խոսքով ելույթ ունեցավ նաև ԵՊՀ պրոռեկտոր Գեղամ Գևորգյանը, ով անդրադարձավ  ինչպես Հայաստանում տեղի ունեցած  ներկա իրադարձություներին, այնպես էլ նախկինում վերլուծական դաշտում թույլ տրված սխալներին: «Իմ կարծիքով՝ մեր անցած երեսուն տարիների ընթացքում մեր իրականությունն ունեցել է  երկու հիմնական թերություններ, որոնք զգալի խոչընդոտել են մեր առաջընթացին: Առաջինն այն է, որ մենք  մեր ներքին խնդիրների լուծման  հետաձգումը պայմանավորել ենք արտաքին խնդիրների առկայությամբ:  Երկրորդ դիտարկումը, որը նույնպես զգալիորեն խոչընդոտել է երկրի ու հասարակության զարգացմանը, այն երևույթն է, որ հասարակական, քաղաքական, սոցիալական, մի խոսքով,  հասարակագիտական վերլուծություններում  գերիշխել են սև ու սպիտակ գույները, լավը կամ վատը: Սրանցից զատ՝ այլ բնորոշում դժվար է գտնել: Մինչդեռ այս և մյուս բոլոր խնդիրների լուծման համար կարևոր է կատարել բալանսավորված անդրադարձ, որտեղ լավի կողքին կլինի վատը, իսկ թերության կողքին կնշվի նաև առավելությունը:

 

Իր խոսքի վերջում  Գեղամ Գևորգյանն առաջարկեց մասնակիցներին կես կատակ և կես լուրջ կանխատեսումների ծրար գրել  «Հայաստան. 2020»  վերնագրով: Մասնակիցները նշեցին, որ դա բավականին բարդ առաջադրանք է, որովհետև ընդամենն ամիսներ առաջ ոչ ոք,  անգամ ամենահամարձակ երևակայություն ունեցող մարդը չէր կարող Հայաստանում իրադարձությունների նմանատիպ ընթացք կանխատեսել:

 

Հետաքրքրական է նաև այն, որ երբ գիտաժողովի կազմակերպման աշխատանքներն են սկսվել, Հայաստանում բոլորովին այլ քաղաքական միջավայր է եղել, և գիտաժողովի նպատակն է եղել ակադեմիական միջավայրում սահմանել Հայաստանի քաղաքական ներկան, իսկ հիմա արդեն առաջադրանքը փոխվել է: Գիտաժողովի կարևոր նպատակներից մեկը փողոցում ձևավորված քաղաքական պայքարն ակադեմիական դաշտ բերելն ու քննարկումներ հարթակ ձևավորելն է : Այս խնդրի կարևորության մասին խոսեց նաև «Համագործակցություն հանուն ժողովրդավարության» ՀԿ նախագահ Ստեփան Դանիելյանը, ով մտահոգիչ համարեց այն փաստը, որ հեղափոխությունից հետո է, երբ պետք է սկսվեին քաղաքական բանավեճերի ծավալումը,  ստեղծված իրավիճակի հեռուստատեսային և հասարակական քննարկումները, մինչդեռ նշվածներից ոչ մեկը տեղի չի ունենում, փոխարենը մարդիկ սպասում են ԱԱԾ-ի հերթական բացահայտմանը:

 

«Ապագայի մասին կանխատեսումները այնքան էլ անիրական կամ անհավատալի չեն լինի, եթե մենք կարողանանք հասկանալ ու վերլուծել մեր ներկան: Պետք է հասկանալ՝ ինչպիսի հասարակությունում ենք մենք ուզում ապրել, ինչ ենք մենք կառուցում և որն է ապագայի մեր տեսլականը»,- իր խոսքում ասաց Ստեփան Դանիելյանը:

 

Այսօր և վաղը գիտաժողովի մասնակիցները զեկույցներ և քննարկումներ են ունենալու  հայաստանյան հասարակության տնտեսական, քաղաքական  և հանրային իրողությունների մասին՝ փորձելով դրանց զարգացման համար հնարավոր մոդելներ մշակել:

Անի Պողոսյան